أيــــام و بــنـعيــشـهــا

وماذا بعد المستحيل الرابع

2011-02-11T18:36:00.002+02:00

حدث ما حدث
وتم ما تم
وتنحى من تنحى
ونجحت ثورة الفرافير وأثبتت أن الحكم المطرقة والسندان كان حكما وهميا
وأن الشعب المصرى كان مريض نفسى بوهم حكم الرئيس وفى يوم 11/2/2011
تم علاجه نفسيا والذى عالج الشعب المصرى هو الانترنت
حدث المستحيل الرابع وهو أن استيقظ من النوم صباحا فلا أجد محمد حسنى مبارك رئيسا للجمهورية
ولكن ماذا بعد ؟؟؟
لك الله يا مصر ( شعب مصر)
وفى انتظار المستحيل الخامس
!!!!!!!!!!!!!!!!!!!!!!!!!!!!!!!

ثورة الفرافير

2011-02-06T19:00:00.004+02:00

الشعب يريد بقاء الرئيس !!!!

لا تتعجب من ذلك بالفعل هذا ما يريده الثوار فى كل مكان حتى فى ميدان التحرير وفى كل مكان اذهب بنفسك الى مكان الثورة فى اى محافظة ستجد ان تلك ليست مظاهرة اصلا انها اقرب لتجمعات اتحاد الطلبة والجوالة والقادة الاجتماعيين فى الجامعات المصرية ... لا مؤاخذة مظاهرة عيال سيس .. اذهب بنفسك وشاهد على الطبيعة فما تراه فى القنوات الفضائية والارضية بعيد عن الواقع .. اذهب وشاهد اصناف الناس هناك على الطبيعة وفى ارض ميدان الثورة وهى حتى لا ترقى لكلمة مظاهرة .. الناس هناك مجتمعون واقول وبكل ثقة لولا وجود البلطجية يوم الجمعه فى المظاهرات ما كان اهتزت شعرة واحدة مش شعر مؤخرة السيد الرئيس مبارك لقد ضحكت عليه قنوات الاخبار واقول ان من انجح الثورة هم بلطجية يوم الجمعه فالشكر لهم على الحقوق التى حصلنا عليها بفضلهم اما عندما خرجوا من ارض المظاهرات تحولت الى اعتصامات اتحاد طلبة لا تهز عميد كلية ما بالك برئيس جمهورية اذهب وشاهد ماذا يحدث فى المظاهرات الان بعد عدم ذهاب البلطجية اليها فماذا تجد ؟؟ ترى هناك من يدعون الثقافة والليبرالية وهم اساسا لا يعرفون معناها ؟؟ تجد من يحدثك عن دولة مدنية وهو لا يعرف معنى كلمة دولة اصلا ؟؟
تجد صاحب جروب على الفيس بوك لا يدرى شيئا فى السياسة؟؟ تجد الفئات التى فى المظاهرات لا تعرف شيئا عن السياسة وتريد قلب نظام سياسى ؟؟ شىء غريب وعجيب جدا
انظر الى من هم فى المظاهرات ؟؟
تجد انهم ذاهبون الى رحلة ؟؟ بالفعل من يذهب مع صديقته وهناك من معه زوجته واولاده وهناك تجد البنات ذاهبة وكأنها ذاهبة الى ديسكو أو رحلة لمعالم المدينة ؟؟ انهم ناس مرفهون يظنون ان تغيير نظام يحدث بوقفة سلمية ؟؟ الذى ارغم الرئيس على الاذعان للطلبات هى وجود البلطجة يوم الجمعه غير ذلك لم يكن ليحدث شىء البتة .. يقولون ثورة شباب ههههه يا اخى a7a
انهم مجموعة من الناس اعجبهم حب المظاهرة وانهم يقولون رأيهم بحرية اعجبهم هذا الشعور واذا رحل الرئيس وفعل كل ما يريدون سوف يشعروا بالاحباط لانهم لن يستمتعوا بهذا الاحساس مرة اخرى وكما قلت سابقا الشعب المصرى بوضعه الحالى لا يرقى لاقامة حياة مدنية ديمقراطية اذهب وانظر الى المثقفين الذين يقودون المظاهرة انهم جهلاء يا عزيزى مجموعة من الحمير تحمل اسفارا
لا يعرف معنى كلمة حزب ولا معنى دولة مدنية ولا معنى كلمة السياسة اصلا ؟؟
كم فرد فى الشعب المصرى يعرف القراءة والكتابة حتى حملة الشهادات منهم من لا يعلمها !!!! ولا ابالغ فى هذا
كم فرد فى الشعب المصرى يقرأ الصحف والمجلات ؟؟
كم فرد فى الشعب المصرى يخاف بحق على مصلحة الوطن ؟؟
كم فرد فى الشعب المصرى يشاهد نشرة الاخبار ؟؟
كم فرد فى الشعب المصرى يشاهد النشرة الاقتصادية ؟؟
كم فرد فى الشعب المصرى يفهم ما الذى يقوله المذيع فى النشرة الاقصادية ؟؟
كم فرد فى الشعب المصرى يفهم ان الاقتصاد هو الذى يتحكم فى السياسة ؟؟
من يعرف هذه الاشياء جميعها فى مصر لايتعدى 5% من سكان مصر
عندما تصبح النسبة 70% يحق لك ان تطالب بحياة الدولة المدنية
الشعب المصرى منذ ان خلق وهو شعب الرعاع وهذا هو معنى كلمة Egypt أى أرض الرعاع
انظر لمر التاريخ المصرى ماذا تجد فيه حاكم مستبد يحكم مجموعة من الرعاع الذين لا يدرون شيئا الشعب يريد اصلاح كل شىء دون ان يصلح هو من نفسه يريد من يأتى ويصلح له كل شىء حتى سلوكه أقسم بالله انى رأيت فى مظاهرة سياسى اخوانى مشهور يتحدث لقناة فضائية والناس حوله متجمهرة لايفكرون فى كلامه ولا فى مستقبل البلد جل تفكيرهم انهم يريدون الظهور فى التلفاز وكان يسخرون منه لانه اطال فى الحوار !!!
شعب تفكيره سطحى وليس كما يدعون فى القنوات الفضائية والارضية بانها ثورة الشباب المباركة .. انهم مجموعة من الحمقى لايفقهون شيئا فى السياسة وقد تحاورت مع من لهم جروبات سياسة على الفيس بوك فى احدى المظاهرات تشعر بأن الشباب تافه وسطحى يريد ان يفعل كما فعلت تونس ( هى طلبت معاهم كده وخلاص)
الذى يريد تغيير ناس لابد من قسوة وجد وعمل وليس مجرد هتافات حنجورية لاتقلق الرئيس فى شىء الذى غير الناس بالفعل هم بلجية يوم الجمعه فى جمعه الغضب ولكن ما حدث فى جمعه الرحيل هو ثورة الفرافير واسبوع الصمود ما وجدت فيه هو مئات الكتاكيت
لكى الله يامصر بليت بحاكم مستبد وشعب جاهل حتى كبار مثقفيه الذى لايعرف ما الذى يقوله المذيع فى النشرة الاقتصادية ؟؟
الاقتصاد هو من يحرك السياسة يا من تدعون الفهم ...
اتحدى أى احد ان يدلنى على دولة فى العالم تعيش فى سلام ولا تطيع امريكا واسرائيل
اتحدى اى احد ان يدلنى على دولة ديمقراطية فى الشرق الاوسط
اتحدى اى احد ان يدلنى على نظام فى العالم لايوجد به حراميه

جمعه الرحيل 4/2/2011

2011-02-04T14:32:00.003+02:00

فعلا شعب لايفهم معنى السياسة ولا المعارضة

شعب لابد ان يحكمه عصا

شعب لا يعرف ماهى هى السياسة

واتحدى اى شخص ان يعرف لى معنى كلمة السياسة أو معنى كلمة حزب

يا شعب جاهل

لايقرأ أى جرائد او صحف

بدليل

شعب عدده 80مليون

واقوى جريدة تبيع نسخ 80الف جريدة

فعلا شعب يهوى الغباء

شعب القطيع

شعب يوجد به 80 مليون قطيع مختلف

كل قطيع له رأيه الخاص

ولا نتحد فى الرأى

اللهم إلا

فى حالات التحرش الجماعى كما حدث مع دينا الراقصة

أو

عند عرض فيلم اباحى جنسى

ولايدرى

ان كل هذا هى مؤامرة من جهة واحدة

تنظم الفريقين

المؤيد والمعارض

مثل مصارعة المحترفين

wwe

جمعه الغضب 28/1/2011

2011-02-03T13:46:00.003+02:00

الشعب المصرى هو كان لما يعد على قهوة يقلب الكرسى ويعد عليه دلوقتى الكرسى اتعدل وبيحاول يعد عليه صح بس انا خايف ميعرفش يعد صح يمكن جاله بواسير من ثلاثين سنة قاعد غلط

ربنا يستر عليكى يا مصر وتفضحيش اكتر من كده مصر دلوقتى زى واحدة ماشية فى شارع ضلمة ومش لابسه غير الجي سترنج

وربنا يستر لحد يشده منها

!!!!!!!!!!!!!!!!!!!!!!!!!!!!

وفى انتظار جمعه الرحيل

الحياة اختيار

2010-12-02T20:12:00.000+02:00

الحياة متشاويش لحظة حزن ولا تساوى انك تبيع نفسك عشان حاجات مش هتنفع بعد كده . اكيد فى يوم هنموت ومش هيبقى فى لازمة لكل اللى احنا بنحاول نحصل عليه . أكيد بنشوف فى أى مكان بنروحه شغل أو جامعة ازاى الانسان بيحاول ياخد اكتر من حقه وازاى بيتنافس منافسة شرسة اللى ساعات بتكون شريفة وساعات مش شريفة . ازاى كل واحد نفسه يطير اللى معاه ويأش هو كل حاجة أكن الكون لازم يشيل واحد بس ومش هيقدر يشيل اتنين . ما أغرب الانسان كل همه كفاح لقمة العيش اللى بتتمثل قدامه فى الوصول لأعلى مركز بغض النظر عن ازاى هيوصل للمكانة دى وازاى يحققها. فى ناس بتتصور ان عشان توصل لازم تبيع أى حاجة وكل ما تقدر تبيع اكتر كل ما توصل أسرع ولكن هو سعيد بعد ما حقق اهدافه اللى كان نفسه يحققها ؟

من جواه هو مش سعيد لما بيفكر هو ازاى بقى كده بس هو بيعمل كده ومحسس نفسه انه مضطر لكده

( هو انا لقيت حاجة ومختهاش ) بس الواحد لازم يمشى بمبدأ الصبر اللى لازم تتمسك بيه مع الرضا يعنى خلى بالك من حكمة : القناعة كنز لا يفنى هى دى اللى ممكن تخليك تحقق اهدافك بطريقة تحس بيها انك مبسوط حتى لو حلمك اتحقق بعد فترة طويلة أو متحققش خالص هتعيش مبسوط وراضى ومش زعلان لازم تفكر فى بكرة أنا مش قصدى تومورو انا قصدى فى المستقبل وكمان فى مستقبلك فى الاخرة هتكون مبسوط وراضى ولا لاء؟؟؟

فكر فى الاخرة مش فى الدنيا !! بجد فكر فى نهايتك كويس وانت هتقدر تحدد الطريق الصح اللى تمشى فيه من البداية .. وهتعرف على اساسه انت ناوى تمشى فى اى طريق !!

نصيحة أخوية قبل ما تفكر فى أى طريق معروض عليك فكر فيها كويس قبل ماتختار أى طريق

(راقب أفكارك قبل ان تصبح أقوالاً وراقب أقوالك قبل أن تصبح أفعالاً وراقب أفعالك جيداً فهى مصيرك للمجد أو الزوال )

التعليم الميرى فى العشوائيات

2010-12-02T20:06:00.003+02:00

ما اغرب التعليم فى مصر وخاصة التعليم الميرى هو كل أنواع التعليم فى مصر غريبة بس الميرى ليه خصوصية جامدة تختلف عن باقى انواع التعليم سواء كان تجريبيى أو لغات أو خاص أو انترناشونال أو امريكان أو حتى أى جى ..

كلهم فى مصر أغرب من بعض لكن الميرى صاحب الأرقام القياسية فى برنامج مواقف وطرائف

( برنامج كان بيجى زمان على القناة التانية الميرية ) وخصوصا فى مدراس العشوائيات ترى فيها اعجب العجاب !!!!!!!!!!!!!!!!!

نبدأ بالمرحلة الابتدائية وهى مرحلة بناء النشأ اللى بندمر فيها مستقبله مثلا فصل فى سنة خامسة ابتدائى طبعا كله بياخد دروس بس ازاى ؟ نجد حالة فريدة تتميز بها العشوائيات ألا وهى المدرس بيدى كل المواد بمبلغ شهرى ميجبش وجبة من مؤمن ولاحتى كنتاكى !!!

المدرس مثلا متخصص فى المدرسة فى مادة واحدة لكن فى الدرس بيدى كل المواد إلا النجليزى مش عارف ليه ولى الأمر بيخاف على ابنه فى الانجليزى بس باقى المواد لأ يعنى مثلا مدرس رياضة يدى فى الدرس كل المواد ماعدا الانجليزى !!!!!!!!!! مش عارف اشمعنى الانجليزى خلاص التطور عندهم عالى وياريتهم بيعرفوا انجليزى أصلا !!

اللى بيحصل ده بيفكرنى بواحد عايز يشترى حشيش بس راح يشتريه من فكهانى ومصصم يشترى منه تفاح على انه حشيش لدرجة ان الراجل الفكهانى اتخنق منه وباعله التفاح على انه حشيش والتانى ماشى ومصدق انه معاه حشيش!!!!

فى الاعدادى عادى بياخد عن كل مدرس مادة بس معظمهم بيروح معاهد من اللى تحت السلم اللى المجارى دايما مضروبة تحتها والعيال عادى بتحضر وبتنبه للريحة مش للشرح طبعا !!!

أما فى الثانوى طبعا معظم اهل العشوائيات مش بيدخلوا ثانوى عام عشان ماجبوش مجموعة قلة قليلة هى اللى بتدخل ثانوى عام أما الباقى بيروح فى اتجاهين الأولاد بيرحوا صنايع والبنات بيروحوا تجارى وبنرجع تانى لنظام الابتدائى تلاقى مدرس بيدى كل مواد تخصص لصنايع أو التجارى بنفس السعر اللى كانوا بيدوه للمدرس فى الابتدائى اللى هو مبلغ شهرى ميجبش وجبة من مؤمن ولاحتى كنتاكى !!! ( برضو )

نيجى للمدرس اللى بياخد فلوس ملهاش لازمة طبعا مش بيراعى ضميره المهم ينجح العيال فى الامتحان يدخلهم اللجنة و يظبط أعمال السنة و يظبط الورق فى الكنترول طبعا ده للى بياخدوا عنده درس ممكن يعمل نفسه أراجوز عشان خاطرهم !!!

وبما أن المبلغ مالوش لازمة فهو بيعتبره رشوة عشان ينجح العيال واخر حاجة بيفكر فيها انه يشرح أو العيال فهمت ولا لاء ؟

والعيال طبعا فهموا كده ومبقوش يذاكروا ولا عايزين يفهموا أصلا ويذاكروا ليه وهما دفعوا الرشوة وعارفين أن المدرس هيظبطهم ومش هيقدر يعملهم حاجة

وعلى رأى محمد هنيدى فى فيلم ( رمضان مبروك أبو العالمين حمودة ) :

هو المدرس بعد ما قعد على الكنبة وشرب العصير وأكل الكيك وقبضوه كل حصة هيبقى ليه هيبة !!!

الحب فى الجامعات المصرية

2010-12-02T19:57:00.004+02:00

ما أروع الجامعات فى مصر يسود فيها جو من الحب والحنان بين طلابها فهى ملجأ الدفء لنا بعض ان افقنا من كابوس الثانوية العامة المزعج

( مقدمة طللية لابد منها ... ندخل شمال بقى )

ياعينى على البنت والولد بعد ما خلصوا من الثانوية العامة ومكتب التنسيق بكل اجابياته واجابياته برضه !!!

وطبعا كان فى كبت لكل حاجة فى فترة الثانوية العامة ووصل الطلبة لحد الانفجار بيدخلوا الجامعة نفسهم يريحوا واحلى حاجة ان كل جامعة فيها حديقة غراء ودى طبعا للنشاط الثقافى والاجتماعى بين الطلبة والطالبات

نبدأ بالبنات ( ليدز فرست شور ) البنت بتدخل الجامعة وهى بنتحلم بمهند وبتفكر نفسها نور حتى لو كان ده مش اسمها بس لازم يبقى عندها مهند حتى لو مش شبه الجبنة التركى المهم تعيش فى قصة حب تطيب خاطرها بعد انكساره على يد مكتب التنسيق وعشان هى لسه معندهاش الخبرة فبتتخم فى الاول فى الاولاد اللى شكلهم حلو وبعد كده بتعرف ان الشكل مش كل حاجة بس المهم يحتويها والجنينة طبعا عامل محفز للاحتواء !!!

أما الأولاد دول حكايتهم حكاية : كل ولد فاكر انه اول ما يدخل الجامعة ان البنات هتجرى وراه وهيحب على الاقل 100 بنت ( والله الكلام ده الولاد بيفكروا فيه بجد .. كانت دى أحلامنا واحنا فى الثانوية العامة اللى كانت بتصبرنا على همها ) ولما بيدخل الجامعة بيحاول يعمل كده على طول بيعد فى الحديقة الغراء ويعد يصطاد اى بنت معدية سواء كانت غزالة أو حتى ديناصور مش بتفرق المهم انه بيحاول يحقق ريكورد فى عدد البنات اللى اتعرف عليهم عايز يحقق اسكور يرضى بيه ضميره ( اللى مش سليم طبعاً ) أكيد مش بيفكر فى الحب كل همه التعارف وبيحب فى حالة واحدة لو فى بنت عرفت تشغله وتقلب كيانه بس أكيد عملت كده عشان هى بتحبه ..

التعارف بالنسبة للولد تسالى وكاجو أما البنت فهى تبحث عن الاستقرار اللى مش بتلاقيها عشان معظم الشباب بيقى فى الكلية عايز يقضيها هزار مش استقرار

ولذلك لابد أن تحذرى فى الاختيار ( نصيحة ختامية لابد منها برضه )

الحياة عجوة

2010-11-03T17:35:00.003+02:00

ان الحياة تسير على مبدأ التناقض فنجد فى كثير من الاحيان بعض الحالات البشرية الغريبة فمعظم البشر تعتبر حالة مثيرة جدا للعجب فالناس لديها تكوين بشرى ذو صفات عقلية غريبة جدا . على سبيل المثال لا الحصر نجد هناك افراد فى غاية التطرف والشذوذ السلوكى ويظن انه حالة عادية واشهر مثال على ذلك : شوبنهور ونتشيه اللذان يعتبران من اعجب شخصيات التاريخ . ومع ذلك كانوا لا يشعران بغرابة فى سلوكهما . السلوك الانسانى غريب ولا يمكن قياسه ولا يمكن وضع معايير لكى يسير عليها البشر . البشر لغز لايمكن حله و لا حتى الانسان نفسه لايستطيع السيطرة على نفسه لا يستطيع على تغيير سلوكه بل الحياة عبارة عن مسلسل هو يشاهده ويمثل فيه فى نفس الوقت . البشر هم عبارة عن ممثلون فقط وكلهم يحصلون على دور البطولة . فلكل انسان مسلسل خاص به وبالطبع يكون هو بطل احداث هذا المسلسل . وكل الناس بالنسبة له ادوار ثانوية ( سنيدة للبطل ) يعتمد عليهم وقت المصالح فقط و لديه القدرة على بيع اى شخص من اجل تحقيق اغراضه سواء كانت نبيلة أو لا . المهم تحقيق غرضه مهما كانت اغراضه وضيعة وغير سامية . كيف تعتمد على انسان هكذا !!! فانت ايضا مثله لا تقل عنه فى شىء نحن ابناء ادم غير متساويين الا فى شىء واحد الاستغلال القائم على المصالح . ومع كل هذا نجد هناك اثنان احدهما ذكر والثانى انثى ( فى اغلب الحالات ) قررا ان يقوما بخطوة غريبة وجريئة ألا وهى الزواج !!! فتجد العجب العجاب فى مواقف الزواج الذى هو قائم على استغلال كل طرف للاخر كل يمثل دور مساعد البطل فى مسلسل للاخر ويقوم باستغلاله الى اقصى الحدود لكى يشبع روحه الغريبة فى امتصاص دماء الاخرين الذى اختار كل فرد الاخر لكى يقوم بدور مصاص الدماء !!! الحياة و ما اعجبها واغربها تمتلىء بالغرائب ولكن كل انسان لايعترف بانه غريب وعموما البشر كلهم غرباء . فكم من ناس ترتكب اعظم الفواحش وتظن انها ملا ئكة !!! وكم من ناس تفعل انبل الافعال وتظن انها شياطين !!! حقا ان الحياة غريبة هناك من يظن نفسه يأكل فسيح وهناك من يظن نفسه يأكل سوشى !!!

ولكن فى النهاية فعلا الحياة عجوة

الـقــنـاعـة

2010-06-09T14:48:00.006+03:00

جلست وحيد يائس

أفكر فى القادم البائس

أترقب المستقبل المزهر

بعد أن تركت الماضى المهلك

وأعيش الآن الحاضر

الذى لا أعرفه

أهو نعيم بالنسبة لما مضى

أهو حجيم بالنسبة لما هو آت

فالانسان لا يدرى

أى حال هو يكون

أشقى هو أم سعيد

لكن

أرضى بما أنت عليه

فلا أحد يعلم حاله

ولن يرضيك بالتأكيد

فالقناعة كنز لا يفنى

وبعدها لا كلام

قد يفيد

الزمن القاتل و المقتول

2009-12-02T23:46:00.002+02:00

جلس وحيداً

ثم

وقف شريداً

نظر بعيداً

لسماء الكون المفتوح

يسألها

هل الإله موجود

لماذا إذن

رحل

وتركه مجروح

يعانى

مع الزمن القاتل

والمقتول

مهما فعل

أم لم يفعل

لا يرى رداً مكتوب

أو شيئاً مفعول

نزلت الأمطار

وردت السماء

لا تحارب

هذا القدر المزعوم

و ارضى بالقضاء المحتوم

فقد

اقترب إعلان

نتيجة

اختبارك الموجود

غباء الانسان

2009-11-04T20:44:00.005+02:00

كل مشاكل الكرة الارضية مين السبب فيها ؟؟؟
أكيد الانسان ... هو سبب كل المشاكل
أديان مختلفة ، حروب ، جهل ، تخلف ، بيروقراطية ، ديمقراطية ، كوسة ، رشوة ، ألفاظ بذيئة ، دعارة ، ... آلخ !!!

كل مصيبة وراها بنى آدم
الانسان هو أعجب كائن خلقه الله
هو كائن البحث عن المشاكل
هذه الظاهرة منذ بداية الخلق ( ارجع لقصة ابنى ادم : قابيل وهابيل )
الحياة مصيرها الموت ولكن يبدو ان عمنا الانسان مش فاكر المعلومة دى
شايفين الدول بتقطع فى بعض وفى كل دولة الناس بتقطع فى بعض
فى كل بلد تلاقى قوانين متخلفة لو اللى حاطها لو كان مدرك انه ممكن يموت فى أى لحظة ما كنش حط القوانين دى !!!
سيدنا عمر بن الخطاب قالها من زمن لكن مين يسمع ويتعظ (( كفى بالموت واعظاً ))
شوف هو قالها من كام سنة لكن ماحدش عايز يتعظ
تلاقى فى مصر مثلا :
الناس عايشة ولا أكن فى حاجة اسمها موت كله عايز يقلب اللى جنبه زى ما بيقولوا عنا اخوانا فى الخليج نصابين !!
مع ان اخوانا فى الخليج نصابين برضه !!
بس فى فرق أى جنسية ممكن تخون أى حد الا ابن بلدها ما عدا احنا طبعا
اول واحد بيخونك فى الغربة أو حتى جوه مصر هو ابن بلدك المصرى
وده طبعا عشان احنا بلد مختلفة زى مابيقول عمنا عمرو أديب : احنا بلد عندها خصوصية !!!

على العموم مفيش فايدة من الكلام
المعنى وصل فل وتمام
غباء الانسان هو السبب منذ قديم الزمان
ولو مش مصدق بص لابنه جمال
كله من أجلك أنت
من أجلك أنت
شعار حزب
رجال الأعمال

نصيحة لكل إنسان :

كن أنت وحدك لا أحد غيرك

متاهة سن اليأس

2009-10-01T18:11:00.014+02:00

بالأمس كانت الذكرى الخامسة و العشرون ليوم مولدى ، هذا اليوم الذى قررت فيه والدتى بالطبع بعد موافقة والدى ان ارى تلك الدنيا التى الآن أتمنى من كل قلبى اننى لم أكن أراها ، ولكن فى تلك الذكرى بالتحديد أحسست بأشياء لم أكن أشعر بها من قبل ، أحسست بمدى الفشل الرهيب الذى حققته فى حياتى ، فعلى مدى ربع قرن لم أحقق الا المزيد من الانجازات الفاشلة ، لم أحقق أى هدف كنت أسعى اليه ، على العكس كل الاهداف التى لم أكن أرغب فى تحقيقها هى التى تحققت ، حتى أبسط الاهداف التى يحققها الجميع أنا عجزت عن تحقيقها ، لكن الحمد لله لما أنا فيه الآن ، فأنا تنطبق علىَّ مقولة العظيم نيتشه : ( هناك شخص واحد لم يذق طعم الفشل فى حياته هو الرجل الذى يعيش بلا هدف )
فتلك المدة التى تقدر بربع قرن من الزمان لم أذق فيها أى طعم لأى شىء سواء كان فشلاً أو نجاحاً ، لكن أحمد الرب على هذه النعمة الكبرى فأنا إذا تعرضت الى الخسارة لا أحزن لأنى كنت واثقاً منها ، واذا اصبت النجاح أكون فى شك وعدم ثقة من أنى استحق هذا النجاح
فبعد ربع قرن من الحياة أصبحت أرى حقيقة الواقع الذى نعيشه فأنا لم أفعل أى شىء من أفعال الشباب ولا أريد أن افعلها ، أنا واثق من الكثير يظنونى غريباً ، فالكثير فى حياتى قالوا لى ذلك ، و خاصةً فى فترة الجامعة التى أجمع الناس فيها جميعاً أننى صاحب تفكير غريب
ولكن لماذا أكون مثل الناس الذين نسوا أهم شىء ولم يدركوا أهم شىء فى الحياة ألا وهو الموت !!! فالانسان مثل فأر المختبر !!!

العالم يضع الفأر فى المتاهة والنهاية هى قطعة الجبن
الله يضع الانسان فى الحياة والنهاية هى الموت
فالانسان مثل الفأر يظل فى المتاهة الى أن يخرج منها ومنفذ الخروج الوحيد هو الموت ، فالانسان يظل طوال حياته يحاول أن يخرج من المتاهة لكى يموت وهناك من يحل لغز المتاهة بعد عام واحد أو بعد مائة وعام ، وهناك سعيد الحظ الذى يحل اللغز من أول ثانية !!!
وأنا بعد ربع قرن من الحياة أدركت أنى فى المتاهة لكنى لا أعلم متى سوف أحل اللغز قريباً أم بعيداً ؟؟؟
ولكنى أضع أمامى قول الشاعر الكبير محمد الفيتورى
اعلم أن الموت حق و الحياة باطلة
والمرء لايعيش إلا ليموت
وكل صرخة مصب نهرها السكوت

والآن لست أدرى متى أجد قطعة الجبن !!!

قول مأثور :
ذو الحظ السعيد يعيش قصيراً وذو الحظ التعيس يعيش طويلا ً

A 7 A ... مـفـيـش فـايـدة

2009-08-27T13:31:00.036+02:00

>> قـول مـأثـور :
( أتشربون الخمر وتلعبون الميسر وتريدون من الله أن يدخلكم الجنة ، يا خى . . . ) للممثل العظيم " فريد شوقى "

>> قـول مـأثـور :
( مفيش فايدة )
للزعيم " سعد زغلول "

الـبـيـض فى رمـضـان

2009-08-19T12:15:00.011+03:00

ويبدأ الشهر الفضيل وتأتى معه بعض العادات التى منها عقيم أتت من شعب رمضان وليس من رمضان . مروراً بالمسلسلات العقيمة التى تأتى بالشلل التام فى الفكر لمشاهديها !!!!!

حلوة يا بلدى يا عربية ياللى طول رمضان قاعدة قدام تفاهة التلفزيون متنية . يعنى بالله عليكى كل دى مسلسلات ليه يعنى خلاص عملنا كل حاجة صح وقاعدين نصرف على أم المسلسلات الهبلة اللى بتجيب تخلف عقلى . وازاى يعنى خلاص كنا صرفنا فلوس المسلسلات على حاجة عدلة بدل التبذير والاسراف فى التفاهات . ولا الشيوخ الحلوين اللى عاملين زى الكرنب فى البرامج بتاعتهم وعايزينا نتفرج عليهم عشان نبقى زيهم . الشيوخ دى هما والممثليين زى بعض بيشتغلوا الشعب اللى هو احنا . ده احنا عالم تافهه يعنى شيخ عامل زى الاهبل يطلع يضحك علينا ونصفق له ليه هو احنا مختوم على قفانا !!!!

على فكرة اى حد بيطلع فى التلفزيون فى رمضان أكيد بيضحك علينا و ياسلام بقى على البرامج اللى بتقلس على الحاجات اللى بتحصل فى رمضان برامج البيض اللى شغالة طول السنة : البيض اليوم ، البيض بيضك ، 90 بيضة ... وغيرها من البرامج الحوارية المفيدة جدأ من أجل صحة بيض المواطن العربى بشكل عام والمصرى بشكل خاص !!!

والله العيب مش فى الناس اللى بتقدم الحاجات دى العيب فى الشعب اللى سمحلهم بعد اصدار اول بيضة انهم يكملوا ويطلعوا باقى كرتونة البيض علينا !!!

احنا شكلنا بنحب اللى يشتغلنا سواء كانوا شيوخ اللى كل واحد فيهم عاملى قـناة اسلامية قال يعنى الشـعب مـلتزم اوى ده لـو بلد كافرة فيها كمية القـنوات دى كان اسلموا من زمان مش احنا كل ده ولسه زى ما احنا !!!!

احـنا شعب الموجه اللى عنه كتب الأديب العظيم خالد الصفتى كاتب مجلة فلاش ( فى الصيف ننحرف يجى رمضان نتوب بعديه العيد الصغير ننحرف ونأكل كحك وبعدين نربى الخروف ونذبحه وننحرف وبعدين نهدى تيجى ليلة رأس السنة ننحرف وبعدين نهدى ويجى الصيف وهكذا !!!)

احنا ناس مواسم كل موسم وليه الشغل بتاعه احنا احسن شعب بيشتغل نفسه وده سبب عظمتنا !!!!

رمضان ربنا بعته لينا مخصوص عشان نحارب البيض اللى جوانا لكن احنا عالم بيض ومش بنسمع الكلام !!!

يالا بيضك عندنا واسأل مجرب من رمضان اللى فات

مـا عـلـيـنـا

2009-08-04T15:32:00.003+03:00

ما علينا لا رحنا ولا جينا أخدوا فلوسنا و ضحكوا علينا ، ناس أحلى من الحلاوة تطلب حلاوة يدوك بقلاوة ، تقول يمين يروحوا يمين ، تقول شمال يروحوا شمال ، من غير ما تقول تبصلهم بس بعنيك عيب دى ناس بتفهم فى الأصول والأتكيت ، أكل و مرعى و قلة صنعة ، ناس عايشة بتعوم فى مية البطيخ ، السما بتمطر بلح كتير ، ربنا يستر يا حفيظ ، نفسه يشوف عناباية قبل ما يموت ، و يقلع عباية الخوف ويلبس جلابية الرجولة و الذوق و يعيش دكر مش شوية فيشة و شوية مشترك ، نفسه قبل ما يموت يبقى راجل دكر ويحط على حرمه المصون ، يرفع راسه وسط الناس و يعيش بكرامة إن شالله يوم أهو أحسن من ما فيش ، نفسه يسمعها منها قبل ما يموت ، الله يا عنتر يا شديد ياللى عبرت طريق صعب صعب شديد شديد وفى إيدك سيف حديد تكسر بيه كل سد منيع و ترجع كل حق راح ، يالا على الدنيا السلام ، بداية أو نهاية مش فارقة ، إيه لازمته نقول باقى الكلام ، كله زى ما هو ، فى مكانه زى الفل و تمام ، وربنا يستر و يطلع حلم ، ونحاول نقوم ، هو يعنى إحنا كرهنا كل حاجة وحبينا النوم .... و ما علينا

حواء الكائن المقهور فى الكوكب المعمور

2009-07-21T13:48:00.008+03:00

المرأة بصفة عامة لا تعامل معاملة آدمية بل تعامل على إنها كائن من الدرجة الثانية كما أقرها الفيلسوف الألمانى شوبنهور الذى هاجم الناس فى عهده تلك النظرية لكنها مطبقة بشكل فعلى الآن والفعل يهزم القول دائماً . و أكبر مثال على ذلك انظر لعدد النساء اللاتى يقمن بالعمل بالدعارة فى جميع انحاء العالم مقارنة بعدد الرجال الذين يعملون بالدعارة الفارق فى العدد كبير جداً لصالح النساء و ذلك بسبب أن الهدف الأساسى هو امتاع الرجل بالدور الأول وليس المرأة وثقافة وجود الرجل العاهر ليست منتشرة لا بالكم ولا الكيف كإنتشار ظاهرة المرأة العاهرة .
وقياساً على ذلك فى جميع مجالات الحياة فالفلك يجرى لخدمة الرجل وليس خدمة المرأة فالمرأة جزء من هذا الفلك . هل تستطيع فتاة اذا رأت شاباً اعجبها أن تتحرش به لفظياً أو جسدياً كما يفعل الرجل !! بالطبع لا لكن الرجل يستطيع فلا توجد مساواة بين الرجل والمرأة فى أى مكان فى العالم وحتى لو كان هناك احترام من الرجل للمرأة ففى معظم الحالات له غرضه ( ليس من أجل الله والوطن )
أسلوب التربية الذى ابتكره هم الرجال جعلوا المرأة كائن مسخر لخدمة الرجل ونشأت معظم النساء على هذا الفكر فلا أحد يلقى باللوم على المرأة اللعوب التى تقهر الرجال بل إلقى باللوم على الرجل الذى جعلها هكذا .
فالكل يعامل المرأة على أساس جنسى بحت ، فالمرأة مظلومة فى هذا الكوكب الذكورى . ولقد قرأت قصة رائعة من سلسلة قصص غير معقول للأديب السكندرى المغمور ( أحمد عرفه ) توضح كيف يتم التعامل مع المرأة من قبل الرجال فى معظم الطبقات العربية ، توضح قيمة المرأة فى المجتمع التى يتعامل معها الرجل بكل بشاعة
هذه القصة من النوع القصصى الميتافيزيقى الانسانى البائس ، لذلك أرجو عزيزى القارىء أن تكون واسع الصدر والأفق والعقل أثناء القراءة لكى تفهم المغزى من هذه القصة ألا وهو أن حواء كائن مجنى عليه !!!

القصة :

غير معقول ( 10 )

ــــــــــــــــــــــــــــــــــ

المكان شارع مظلم في مكان ما

الزمان زمن لم يأتي حتي الان

الساعة منتصف الليل

تقف اربعة فتيات شكلهم يبدو غريبا اذا كنت لا تنتمي لزمنهم الشعر قصير وواحدة منهم علي الزيرو البنطلون ضيق ويرتدون قميص بلا اكمام الصدور مضمرة والطول فوق 180 سم يقفون يضحكون بصوت عالي ويدخنون الحشيش

تسال احدهم الاخري يا بت يا نجلا عاملة ايه مع الواد بتاعك ؟

ترد نجلا بعدم اكتراث مينفعنيش طلع عايل سمعته وحشة وفاقد عذريته

ترد اخري هما كدة عيال اليومين دول معندهمش شرف الله يرحم زمان انا ماما اتجوزت بابا مكنش انكشف علي واحدة قبلها

ترد اخري بس امك يا زيزي ستت ابوكي ودفعتله مهر مكنش يحلم بيه اتنقل نقلة كبيرة اوي مكنش يحلم بيها

فجأة يجدون ولد يمشي امامهم شعره طويل ناعم يرتدي استرتش احمر ويظهر بطنه وكتفاه

تصرخ زيزي ايه رايكوا يا بنات ؟ معاكوا فلوس الواد ده بيناديني بصوا عليه عنده الامبالايز جامد طحن واد موز

ترد نجلا معايا معايا خمسة جنيه وانتي يا علا معاكي كام ؟

ترد علا معيا عشرة وانتي يا ولاء ؟

ترد ولاء معيش مقشفرة

ترد زيزي انا حشيلك يلا لحسن الواد ميتسبش

تتقدم نجلا ايه يا قمر الجميل ماشي في الضلمة لوحده ليه ؟ مش خايف تتخطف ؟

ينظر لهم نظرة ذات مغزي قائلا حتدفعوا كام ؟

ترد زيزي وقد لمعت عينيها بالشهوة اللي تطلبه

فيرد باسما يبقي خمسين

ترد ولاء نعم يا اخويا ؟ ليه ؟

انت اخرك معانا تلاتينية

فيغزو وجهه الغضب الذي يملأه المكياج ادورلي علي سكة تانية

فتعترضه زيزي احنا ممكن نغتصبك في الشارع ولا حد يدري بيك ايه رايك؟

فيرد امري لله المكان عليكوا

ترد نجلا ماشي

فيدخلوا شقة ويضيئوا النور تمسك زيزي بمؤخرته ايه يا موز ليلتنا قشطة ولا ايه ؟

فيضحك بخلاعة ويخلع ملابسه ويقرروا ان تبدا زيزي معه بصفتها مساهمة بنصف المبلغ تخلع سوستة البنطلون فيظهر عضوها المركب فوق عضوها الانثوي وتظل تقبله في جسده كله وتداعبه جنسيا حتي انتصب عضوها الذكري المركب بعد ان قامت بدعك ثدييه نام علي بطنه في السرير وتدخل عضوها في مؤخرته حتي تصل لنشوتها وتدخل نجلا ثم علا ثم ولاء ويخرج الفتي مبتسما راضيا مادا يديه الي زيزي بورقة اخرجها من صدره دي نمرتي لو عزتوني تاني باااي

تصف كل واحدة احساسها بالسعادة بعد ممارستها الجنس

تسأل زيزي علا انتي ايه اخبار خطيبك ؟

ترد علا اهله ناس زبالة داخلين علي طمع عايزين وعايزين

ترد ولاء شايفينك وكيلة نيابة قد الدنيا افتكروكي هبلة

تضحك علا بس علي مين وانتي يا ولاء عملتي ايه مع الواد بتاعك سمير ؟

ترد ولاء قعد يقوللي لازم ارتباطنا يبقي رسمي والكلام العبيط ده

ترد زيزي وقولتيله ايه ؟

تضحك ولاء قائلة قولتله مش عايزة اظلمك معايا … يضحكون جميعا

تكمل ولاء لا بجد مش حتجوز عايل كنت ماشية معاه ولعبت فيه براحتي
مضمنش لما اتجوزه يضحك عليا ويخوني مع واحدة تانية وانا في الشغل وهو قاعد في اليبيت علي ايه ؟

وتكمل كلامها بعد ان تاخذ نفس من السيجارة انا كدة براحتي

تسأل زيزي الساعة كام ؟

ترد ولاء اربعة الفجر

مش حنروح

يالا بينا

ما تقدرش تجيب نتيجتك من الكنترول

2009-07-01T00:09:00.002+03:00

الانسان هو أعجب كائن خلقه الله عز و جل فى هذا الكون الفسيح . هذا الكائن لديه قدرة عجيبة على الدفاع والايمان بأشياء غيبيّة و غير منطقية للدفاع عنها وأكبر دليل ومثال على ذلك هى دولة اسرائيل . انظر جيداً الى اليهودى الصهيونى الذى هو على قناعة تامة بأنه ابن الرب وان الله مباركه وان الدم المقدس يجرى الدم المقدس يجرى فى عروقه وشرايينه مع انه بنظرة منطقية تثبت لنا ان هذا من الاساطير و الخرافات ولكن ما هى قدرة الايمان القوية الى تجعله منذ مئات السنين يقاتل ويحارب بكل شراسة حتى تحقق الحلم ألا وهو انشاء ( أرض الميعاد دولة اسرائيل )

ولكن كيف تحقق وأصبح واقعاً ملموساً نجده فى أرجاء المعمورة ذلك بواسطة أفيون الشعوب ( الدين ) . الدين أو الفكر الدينى العقائدى سواء كان ايجابى عن طريق الايمان بأى نوع من من الديانات أو سلبى عن طريق الالحاد ، يعطى لمن يتعاطاه طاقة كبيرة فى أن يبذل كل غالى ونفيس من أجل اثبات عقيدته التى هى فى الاساس تفتقد للمعايير المنطقية سواء كانت عقيدة ايجابية أو سلبية ...
لا تكن جبان وانظر جيداً للأديان أقولها لكل معتنق لدين ويهاجم الدين الاخر فليس من المعقول أن تهاجم دين اخر وأنت دينك ملىء بالمتناقضات حتى الالحاد ملىء بالمفارقات .. فلا وجود لرأى دينى كامل بلا عيوب لأن معظم الأديان والأفكار موروثة منذ مئات السنين ولا يوجد أداة لتوثيق الرأى الأول الذى نزل به الدين فنحن لم ولن نشاهد الذين أقاموا الدين الذى نؤمن به ونتبعه ونؤمن به فليس هناك دين نزلت تعاليمه مباشر وحصرى على قناة الجزيرة !!!!!!!

فلذلك فلا هناك مجال للتأكد من الدين وحقيقة انشاؤه .. لذلك فكلٌ يؤمن بما يريد ويهوى ويريحه نفسياً ، فليس هناك دليل قاطع ساطع حاسم يقرر من الدين الأصح من بين كل الأديان حتى الالحاد يعتبر دين لأن كلهل عقائد فكرية فلاشك أنه يوجد انعدام تام للتشابه والانسجام بين كل الأديان لكنها تتفق فى حقيقة واحدة ... وواحدة فقط وهى ( الموت )
فالموت هو الحقيقة الوحيدة المؤكدة فى هذا الكون وكل الأديان متفقة عليها .. فكل شىء فى هذا الكون لابد له من نهاية لذا فأنا أومن ايمان شديد بوجود يوم نهاية الكون ( يوم القيامة ) لذلك أقول لكل متعصب أهوج يدافع عن دينه بكل شراسة ويهاجم الأديان الأخرى دون استناده لأدلة منطقية لا داعى لمحاربة الأديان الأخرى .. فالحرب بين الأديان سوف تستمر الى الأبد لأنه لايوجد دليل لانتصار دين على الأخر فنحن لن نعرف ما هو الدين الصحيح إلا فى يوم القيامة حين يحاسبنا الله سوف نعرف ساعة العرض على الميزان الأعظم من هو صاحب الديانة الأصح فى يوم تشيب فيه الولدان شيباً ويُنفخ فى الناقوس الأعظم وتحاسب أمام الله سوف يعلم كل انسان نتيجه أعماله فى الدنيا هل هو صاحب الدين الحق أم الباطل ، فالحياة عبارة عن امتحان سوف تظهر نتيجته يوم القيامة وليس قبل ذلك ولو بثانية واحدة وليس هناك كتب مقررة كلها كتب خارجية وانت تختار الكتاب وتتحمل نتيجة اختيارك ولا يوجد نموذج اجابة لكى تتسرب منه الامتحانات ولا يوجد كنترول للتصحيح تستطيع منه عن طريق الواسطة أن تعرف نتيجة أعمالك منه مبكراً ولا يمكن مقابلة الله فى الوقت الراهن لمعرفة من هو صاحب الدين الحق

لذلك يجب على الجميع التزام الصمت وعدم مهاجمة أصحاب الديانات المعارضة وانتظار يوم القيامة ، أقصد يوم ظهور النتيجة !!!

أنا أحب محمد

2009-05-18T00:07:00.000+03:00

لو واحد صاحبك أتصل بيك .. قالك ألحقني ...

هتروحله جري طبعا ..

حتي ولو كان في إيدك 100 حاجة مهمة جدا...

لو مامتك أتصلت وقالتلك تعالي بسرعة ...

أكيد هتروحلها .. دي ماما برده ..

طيب لو حد أهان مامتك؟

ولو حد أهان باباك ؟

ولو حد اتعرض لأختك ؟

ولا حد شتم أخوكي ...؟

هيكون الرد إيه ؟

انا بقي حبيبي أهانوه ... شتموه

مش بس كده ...

دول كمان كدّبوه .... وافتروا عليه ...

حبيبي محمد

سيد الخلق أجمعين ...

محمد رسول الله صلي الله عليه وسلم

لأخر نفس في حياتي هقول

لا إاله إلا الله .. محمد رسول الله

يا رب قدرنى على أسئلة التاج

2009-05-14T21:03:00.001+03:00

لازم أشكر ميمى على التاج

ويارب أكون آد التاج ويجى مقاسى ودلوقتى أنا ححاول ألبسه !!!!!!!!!

من أنت ؟
حيوان ناطق بحاول أفكر فى الأحداث اللى بتحصل حواليا
وما الذى تفعله هنا ؟
بحاول أجاوب على الأسئلة اللى جاية تحت!!!
إسرائيل تقصف كل جنوب ممكن بحثا عنك ، أى شمال ستقصد؟
شمال الخريطة عشان أشوف انهى شمال اسرائيل سيباه عشان أروح أقعد فيه!!!
أنت مكلف بحذف حرف من حروف اللغة العربية .. أيها ستختار ولماذا ؟
حرف النون و القاف (كريم عبد العزيز - أبو على )
لو قدر لك أن تدخل السجن فما هي القضية التي تتمنى ان تدخل بها إليه؟
اللهم لا تدخلنى السجن زائراً أو مسجوناً- ما أحلى نعمة الله ( الحرية)
بالمناسبة.. منذ متى اكتشفت نفسك؟
لا أحاول الأنسان يجب عليه اكتشاف ما حوله ولا يبحث فى ذاته
على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك؟
الثانية لانى لا اثق فى احلام البشر ناقصة ولا اثق فيها حتى حلمى !!!
نحن لا نعيش حياتنا بل نتعلم فيها كيف نعيش ما تعليقك؟
الحياة هى المدرسة الكبرى واحنا شوية عيال مش عارفة تنجح
بجملة واحدة فقط أكتب تعريفاً لكل كلمة من الكلمات التالية:
الوطن
أرض تديها تديك ( من زرع حصد)
الأم
مش متخيل إنى حاقدر أعيش لو أمى ماتت!!!
الليل
لازم تنام متأخر عشان تحس بجماله
الحب
ماأقدرش أتكلم عن حاجة لسه مجربتهاش
أمريكا
بلد بتحاول تكون أم الدنيا بس على مين ده احنا المصريين
الصمت
من الأفضل ألا تتكلم فيظن الناس أنك أحمق خير من أن تتكلم فتتأكد هذه الظنون
المرأة
كائن عظيم أحسن من الراجل مليون مرة
الانترنت
حاجة من غيرها ماكنتش أقدرت اخد التاج
أخترمنصباً واتخذ قرارا ؟
أنا لا أهوى المناصب لكن نفسى فى قرار أى حد يعملهولى انو يخلى نظافة الشوارع شىء اجبارى
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟
اصل زمان كانوا محترمين الست تتعاكس بس لكن هى متعاكس كانت جوهرة ثمينة - زمان بقى !!!
أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟علل
أن يقول الناس عنى انى مغرور خير من ان يقولى عنى انى احمق دى ماشى لكن اللى فاتت لأ مش عايز اتطلب كفاية عليا الجيش !!!
إلى أين تمضي كلمات الحب .. بعد أن نقولها؟
فى الكون الفسيح لتنشر عدوى الحب بين الناس
هل تجد علاقة بشكل أو بآخر بين المرأة وقطاع الطرق ؟
كلهم عايزين فلوسك!!!
هذا فراق بيني وبينك .. متى ولمن تقولها ؟
انا عمرى ما اقولها لحد لكن اقبل ان حد يقولهالى ان انجرح لكن ما اجرحش ويا بخت من عاش مظلوم ولا يكنش ظالم
كيف هو غداً ؟
الأيام بيد الله يصرفها كيف يشاء
لمن تمرر التاج ؟؟؟
للأستاذ أحمد عرفه

أخـيـراً افـتـكـرت الـعـرب

2009-05-13T18:18:00.000+03:00

الى رئيس الكرة الأرضية باراك أوباما

أهلاً وسهلاً بك فى بلدنا الثانى مصر ( على أساس إن البلد بتاعته وإحنا ضيوف فيها )

زيارتك لمصر أم الدنيا جت متأخرة أوى أو بمعنى أصح حضرتك طنّشت العرب خالص يعنى بعد ما تملحصت لإيران وزرت تركيا قولت لنفسك يالا نعبر العبط بتوع الشرق الأوسط الغجر اللى اسمهم العرب على اساس ان اخنا ملطشة المنطقة .

ده انت يا راجل قبل ما حتى تمسك الحكم عبرت اسرائيل اللى هيه زى حتة الدمل المعفن اللى لو العرب اتحدوا وكل واحد رفع قلم كوريكتور كانوا مسحوها من على الخريطة ( لو اتحدوا - طبعاً شىء مستحيل )
المهم أن الشعب العربى قبل ما أنت تمسك الحكم كان طالع بيك السما( مش عارف ليه؟؟؟)
كانوا عايشين الوهم إنك مسلم والكلام الفارغ ده وأنك هتنصرهم على اليهود( معجزة فى زمن انتهت فيه المعجزات - قول مأثور للزعيم : محمد حسنى مبارك -قائد الضربة الجوية الأولى فى حرب أكتوبر المجيدة!!!)

الكل عارف ان العلاقة بين مصر وأمريكا كان فيها طتش كبير لدرجة ان الرئيس بتاعنا بطّل يروح امريكا وكان بيبعت أمين السياسات (السيد جمال مبارك) بدلاً منه وده عشان سببين : الأول ان الريس كان زعلان من بوش والتانى تدريب لجمال على أمور الرئاسة.

بس الحمد لله أيام بوش اللى ما يعلم بيها الا ربنا راحت لحالها وبدأنا عهد جديد مع رئيس جديد اللى لازم يضحى بخروف العيد والحمد لله العالم العربى وبوش كل واحد راح لحاله وخالتى وخالتك واتفرقوا الخالات.دلوقتى احنا بدأنا عهد جديد مع رئيس جديد وليه كاريزما والناس فى العالم كله بتحبه وبالذات فى مصر خصوصاً الستات عشان هو شبه أحمد زكى!!!!!!!!!!!!!!!
ونفسهم اوباما يحتل مصر ( والله هينضفونا !!!!)
عارف ان فى واحد حاقد يقوللى هما يعنى نضفوا العراق لما هينضفوا مصر ( سمعتك يا أبو لسان طويل - سؤال ذكى من انسان تافه؟؟!!)
أرد اقولك اللى احتل العراق كان بوش الصغير لكن اللى الستات عايزينه يحتل مصر ده باراك أوباما ( الــكــبـيــر) !!!

يارب تكون خطبته لود الشعب العربى تفلح وتعدى أيامه فى مصر على خير (أصل أنا شامم محاولة لأغتياله)

عـيـد مـبـارك لـلـعـمـال

2009-05-01T14:34:00.000+03:00

بلدنا بتتقدم بينا فى عهدك ولا أحسن سفينة , الناس بتركب صواريخ وطايرة

وأنت بتركبنا مراجيح بايظة . كله تمام و زى الفل .

و فى عيدك و عيدنا جينا نهنيك ونقولك بنحبك ياحبيب الكل يا مشخلعنا يا مدلعنا قول لعدوك روح اتليف هشتكنا وبشتكنا يا ريس ده أنت رئيس و النعمة كويس .

البلد تمام وزى الفل بس احنا اللى شعب زبالة ميملاش عينه إلا التراب . الله يرحم أيام زمان كنا بناخد بالجزمة و بنسكت لكن فى عهد سيادتك حضرتك عملت انجاز عظيم دلوقتى احنا بناخد بالجزمة بس بنحاول نقول لأه وده طبعاً عشان الديمقراطية مغرقة البلد ده احنا حنموت من كتر الديمقراطية , ده من كتر الحب فى الديمقراطية نفسى أصحى من النوم ألاقى العصر الملكى رجع وتبقى مملكة آل مبارك من كتر الخير اللى هما عملينه لينا وعلى رأى الممثلة العظيمة شريهان لما قالت فى برنامج عمنا عمرو أديب ( هو مفيش غير الريس وعيلته اللى بيحبوا مصر !!!!!!!!!!!!!!!!!!!) نفسى العيلة دى تفضل فى الحكم على طول الرئيس محمد حسنى مبارك ثم الرئيس جمال محمد حسنى مبارك ثم الرئيس محمد أو عمرو واحد من اولاد علاء محمد حسنى مبارك , أصل جمال وخديجة لسه مخلفوش لعل المانع خير .. قولوا آمــــيـــــن!!!!!!!

عمال مصر اللى بيحبوك بيقولولك كل سنة وأنت طيب ياريس
ياللى من كتر حبك لينا سيادتك أتولدت بعد عيدنا بتلات أيام
وهذا يدل على حكمة والدى الرئيس اللذان أنجباك فى هذا التوقيت المثالى!!!!!!!!!!!!!!!!!!!!!!!!!!

عيدنا أول يوم فى شهر مايو وعيدك فى رابع يوم فى شهر مايو أنت ياريس دايماً بتفضل ولادك على نفسك حتى فى عيد ميلادك !!!!!!!!!!!!!!

يا سلام احنا وسيادك شركاء فى شهر واحد وفى وطن واحد ولكن نحن لسنا شركاء فى المرتب ولا فى الوظيفة ولا فى أى شىء آخر

أنت الشعب والشعب أنت

كل سنة وأنت طيب !!!!!!!!!!!!!!!! عيد العمال

كل سنة وأنت طيب !!!!!!!!!!!!!!!! عيد ميلادك رقم ...

وعقبال متكمل قرن فى الرئاسة

ونلتقى بك يا حبيبنا عام ألفين وحداشر فى الأنتخابات !!!!!!!!!!!!!!

أقوال مأثورة للرئيس :

(( سأظل قائداً ما دام القلب نابضاً ))

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

السـعـادة الــحـقـيقـيـة

2009-04-02T17:12:00.000+02:00

إذا كنت تريد السعادة

فتمنى الموت

الموت هو السعادة الحقيقية !!!

لا شىء يساوى الراحة

لا راحة مثل الموت ...

الراحة ثلاثة أنواع :-

- راحة الجسم

- راحة العقل

- راحة الروح

وفى الموت تتوافر كل أنواع الراحة !!!!

آه يــا بــــلـــد

2009-03-08T15:15:00.000+02:00

آه منك يا بلد

بلد بنت كلب

وكل كلب فيكى

عايش زى العبد

كرامته مهدورة

شرفه ضايع

شبابه رايح

دمه بيتمص

عشان قطموله المقص

آه منك يا بلد

بلد ريس عبيط

ويوم ما يجى ويتزنق

يقولكوا بطلوا تفتحوا

رجليكم تحت السرير

قال يعنى شعبه دكر

وبيعرف أوى

ده لو كانوا بيعرفوا

ما كانش طول فى حكمه

ابن المفترى

آه منك يابلد

بلد بنت مشكلتها

كبيرة كبيرة

بس عمرها فى يوم ما حتتحل

عشان أهلها ط..زهم

كبيرة كبيرة كبيرة كبيرة

!!!!!!!!!!!!!!!!!!!!!!!!!

كــلــنا فـــى الـــهــم عـــربُ

2009-02-08T13:22:00.000+02:00

لقد استمعت مؤخراً الى أغنية راب لفريق وكر العصفور يسخرون فيها من الشعب المصرى وكأن مصر هى سبب دمار الوطن العربى الذى نعيش فيه جميعاً وليس مصر فقط . ولقد نسى هذا الفريق السعودى شيئاً هاماً أن هناك شعوب أخرى مع مصر وأن الفشل هو نتيجة لفشل الجميع وليس لفشل مصر فقط. فالعرب جميعاً هم سبب هذا التخلف العربى العام وليس مصر فقط. ولكن لابد أن نتفق على شىء أن مصر هى ويدون أدنى شك هى أهم دولة عربية فى المنطقة . وأن المصرى هو أفضل من غيره العرب وتلك حقيقة واضحة وضوح الشمس فى كبد السماء. أما من يزايد على دور مصر الريادى فى المنطقة العربية فهو لا يفقه شيئاً . نحن نتفق أن السياسة المصرية هى سيادة فاسدة والذى ينكر ذلك شيطان أخرس . ولكن أين هى السياسة السليمة فى الوطن العربى . المنطقة العربية بدون استثناء جميع أنواع الحكم بها قائمة على الأساس الديكتاتورى الأستبدادى القاهر للشعوب . فلا يوجد شعب أفضل من غيره . أما إذا كان هناك بعض الدول تقول أن هناك حرية فهى بالتأكيد ناقصة. فليس هناك نظام حكم عربى يوازى أى نظام خارجى . فلا داعى للقول بأن مصر هى أم الفساد لوحدها بل الوطن العربى هو عبارة عن جهنم موجودة على الأرض . فلا داعى لأن يعاير العرب بعضهم بعضاً . أما عن أغنية وكر العصفور لابد أن نتفق أنها أغنية رائعة ووصفت بدقة ما يبدر من الشعب المصرى وصفاً دقيقاً ولاأستطيع إلا ان نتفق أن الكلام المذكور بها يحدث بالفعل . ولكن الشعب المصرى هو الشعب الوحيد الذى من حقه أن يرفع رأسه عالياً من بين الشعوب العربية . أقول ذلك بدون أى مبالغة ليس ذلك لأنى مصرى بل لأن هذه الحقيقة فأنا لا أجامل مصر (لقد سبق لى ان وصفت مصر وصفاً حقيقياً قبيحاً من قبل -مايو 2008) أنا أقول حقيقة مؤكدة . يكفى أن مصر هى الدولة العربية الوحيدة التى أعادت أراضيها المحتلة. نتفق أو نختلف مع أهمية ثورة يوليو ولكن الحق لايوجد على الساحة العربية أفضل من مصر . وأضرب مثلاً للعرب الذين يسخرون من مصر على أنها الدولة العربية الوحيدة التى تتحكم بشكل كبير فى سياساتها بشكل كبير . الذى لا يعلمه العرب أو ربما تناسوه أن قيام دولة مثلاً : مثل المملكة العربية السعودية تم بنفس الطريقة التى قامت بها دولة اسرائيل. إن آل سعود عندما وحدوا شبه الجزيرة العربية التى كانت بين عدة قبائل وعائلات تحت راية واحدة وهى راية آل سعود التى سميت السعودية بهذا الأسم نسبة لهذه العائلة وقامت بتمويل من شركات البترول الأمريكية أى أن البداية هى نفس البداية الأسرائيلية فليس من المنطقى أن يسخر من المصريين شخص عربى وبالأخص من يحمل الجنسية السعودية التى مازالت محتلة بواسطة عائلة أجلستها أمريكا على كرسى حكم البلاد ويدعون تطبيق الشريعة الأسلامية فى الحكم ( وأمرهم شورى بينهم )!!!! ولاداعى لأن اذكر باقى الدول العربية الشقيقة !!!! يكفى وجود القواعد الأمريكية على أراضيهم !!!! مصر هى الدولة الوحيدة ذات الكرامة بين الول العربية وإن كان هناك نواقص فى الحكم فهى بسبب فساد حكامنا المصريون وليس بسبب التحكم الأجنبى . للأستماع لأغنية وكر العصفورhttp://www.youtube.com/watch?v=JA658D60LDI&feature=related

أمــة عــلى وشـك الإنتحــار

2009-01-02T16:32:00.000+02:00

بـلادنـا الـعربـية الحبيبة

التى دائماً من القلب كانت قريبة

ورغم الخلافات القديمة و الجديدة

كانت دائماً أسرة متحابة

تربطها علاقات عميقة

كان كل ذلك كان يا ما كان

ورحل الآن بعد مضى

أسلاف العصور والأوان

نحن الآن أمة غريبة

ولا أعرف لمتى

سوف يستمر هذا الحال

لمذا نحن هكذا

أم أننا كنا دائماً هكذا

و لا ندرى أننا هكذا

لقد أصبحنا الأن أمة

ضائعة على وشك الإنتحار

تعيش بين البر وخط النار

تعيش بين ضفتين

بين جنة المأوى و جهنم الحمراء

أصبحنا أمة ضائعة على وشك الإنتحار

كل فرد فيها أصبح يحاول

أن يرضى رغباته الحمقاء

ونسى انه ملاقى ربه

المتكبر الجبار

أصبحنا أمة ضائعة على وشك الإنتحار

أصبحنا أفراداً مشتتين

بين زعماء الأمة المستبدين

أستحلوا أموالنا وشرب دماءنا

التى هى عليهم حرام

أصبحنا أمة ضائعة على وشك الإنتحار

لقد أصبحنا أمة ضائعة على وشك الإنتحار

ما لم يحدث فى مثل هذا اليوم

2008-12-16T21:21:00.001+02:00

قام الناس وانتفضوا

ولحقوفهم دافعوا و انتصروا

و أعادوا الحق المسلوب

و عادت المياه لجميع الدروب

هذا ما لم يحدث فى مثل هذا اليوم

قام الرجل العجوز

وترك الكرسى المكسور

ليجلس عليه شاب

جاء برغبات الناس

ليعالج شعباً منكوب

هذا ما لم يحدث فى مثل هذا اليوم

قام الشعب بعدما إنكسر

وقال لا لكل غلاء مرتفع

قال لا للإحتكار

قال لا لظالم

أراد أن يشعل النيران

هذا ما لم يحدث فى مثل هذا اليوم

قام العرب وأعادوا

الأمجاد

وعاد الحق إلى صاحبه

وأصبح كل شىء كما كان

هذا ما لم يحدث فى مثل هذا اليوم

العيب فينا إحنا

2008-11-08T13:35:00.000+02:00

أول كلامى فى الموضوع ده أنا عندى اعتراف لازم أعترف بيه . إن أنا بحب حسنى مبارك كيك كيك كيك . ومش عايز حد يستغرب لأن هو راجل محترم أوى أوى زى مابيقول عمنا عمرو أديب ده راجل فلة شمعة منورة . دلوقتى نخش فى الموضوع : اللى هو إحنا الشعب سبب ضياع مصر . وحأقولكم دلوقتى أزاى بس لازم نتفق الأول على حاجة : إن حسنى مبارك ده واحد من الشعب أو بالمعنى الأصح إنه كان واحد من الشعب وبعدين هو لما مسك الحكم بوظ البلد . ده ليه لأنه مصرى تربيته كده . المال السليب يعلم السرقة . وأكبر دليل : عبد الناصر والسادات كانت مصر بايظة أياميهم برضه !!! ليه عشان هما مصريين .. معلش كده شعب مصر ده لو كان شعب محترم وكويس كان اللى حيحكمه راجل محترم وكويس برضه . ما المثل بيقول : الطينة من الطين والعجينة من العجين !!! يعنى إحنا الصراحة شعب غريب فينا كل العبر والعيوب وبعدين نقول الريس هو السبب . ما هو معلش لو إحنا رجالة و شعب عارف حقه كنا لو الريس مش عجبنا نمشيه ونجيب غيره لكن إحنا سايبينه يحكم وبعدين نقول عليه إنه وحش !!!! ده كلام غير منطقى . إحنا شعب بيفرط فى حقه واللى سايب قفاه عريان ما يلمش اللى يضربه عليه . وانتم فاهمين أنا اقصد أيه؟؟؟؟ فى حاجة كمان إحنا شعب همه على بطنه وحسنى فاهم كده كويس ومشى البلد على سياسة جوع كلبك يجرى وراك وهو الصراحة مطبقها كويس وعشان كده لازم نحترمه إنه فهم حاجة !!!! إحنا شعب معندوش نخوة
ولا دم ومش احنا بس لأ كل الشعوب العربية . يعنى ايه تلاقى العراق ولبنان و فلسطين
محتلين و اضطهاد المسلمين وكمان سخرية من النبى محمد صلى الله عليه وسلم و قاعدين ومش هاين علينا نرفع شماعة . ده انا شفت موقف عرفت منه ان البلد عمرها ما
حتفلح : ماشى عالبحر لقيت اب وأم وابن وابنة شابة الأب والأم والأبن بيشربوا عصير
والبنت بتشرب شيشة . وعايزين نحرر فلسطين !!!!! ياعم ده احنا بقينا خواجات؟؟؟؟
احنا شعب معفن يعنى بنرمى الزبالة فى الشارع . وبنتف (نبصق) فى الشارع وكمان
بنترتر (نتبول) فى الشارع وساعات بنسكس فى الشارع .وتقواى احنا شعب كويس
وعايزين نحرر فلسطين !!!! لما كل بنت تمشى فى الشارع وخايفة ان حد يتحرش بيها .
دى حتى لو عريانة المفروض ان احنا اخوات . حد بيعمل فى اخته كده و عايزين نحرر
فلسطين !!!! انا حصلت قدامى حكاية ايام الثانوى كان عندنا واحد فى الفصل متاخر فى
البلوغ وكان شعره اصفر وعينه خضرا وبعد المدرسة كل الفصل قام عليه عايزين يغتصبوه . وعايزين نحرر فلسطين !!! لما تلاقى الناس فى مكان واحد وشغل واحد و
كلهم بيحاربوا بعض و يحطوا على بعض ولما يكون زميلك فى الشغل وتكون فاكره
صاحبك وبعدين من وراك يحط عليك . وعايزين نحرر فلسطين !!!! لما تلاقى كل واحد
فى الشعب همه ازاى ينصب على التانى ويشتغله وياخد فلوسه . وتقولى عايزين نحرر
فلسطين !!!! من الآخر احنا شعب مش تمام ولما نبقى تمام نبقى نقول عايزين ريس
كويس . لكن احنا سبب ضياع البلد . يعنى بلد فيها ناس مش لاقيه تاكل وناس بترمى
الأكل . وناس بتكب فى الثانية ألف جنيه وناس تعد تشتغل العمر كله ما تكسبش ألف
جنيه برضه!!!!!!! لما كل حاجة تتصلح ويبقى قلبنا على بعض وبنخاف على البلد بجد
وكل واحد فينا يحترم نفسه ؟؟؟

أكيد ساعتها حيطلع جيل جديد ومن نفسه حيكون رئيسه واحد محترم وقلبه على البلد .

مش عشان يسرق البلد !!!!!

الحياة الماجنة

2008-10-05T21:59:00.000+02:00

لا تحرضينى على المجون

فقلبك فاجر فهو كالبيت المسكون

على الدعارة تعيشين و تجعلين

كل من يراكِ بكِ مفتون

لا أريد أن أحيى فيكِ ولكننى

لابد أن أرضى بما هو على مقسوم

ما زلت أريد الرحيل منكِ ولكننى

ما زلت عاجز ضعيف مكسور

حرضى غيرى لا تحرضينى

فأنا لست بكِ مجنون

فأنا لست مغرماً بكِ فأنتِ

لحظة وبعدكِ يأتى الحساب المزعوم

فالحياة ليست من نصيبى

ولا أنا من أهلكِ الموعود

العبد المغرور

2008-09-02T10:31:00.000+02:00

لا تغتر فى يوم بنفسك

فأنت ونفسك إلى زوال

فهذا هو حال الدنيا فانية

لا شىء موجود فيها

مقدر له أن يظل

على نفس الحال

فأغتر على الأخرين كما تشاء

ولكن لا تظن أن

صمتهم لك سـيدوم

فإنه شىء محال

فـلذلك لا تكن متكبراً مغروراً

فالإنسان لا يصبر كثيراً

على أخيه الإنسان

فالإنسان لا يصبر عليه

إلا من خلقه

فما أحن الله رب العالمين

الذى يصبر على عبده

المغرور

هذا الإنسان

عـــــــــــــــــــــا يـــــــــــــــــزيــــن حـــــــــــل

2008-08-04T13:14:00.000+03:00

ياريت يا عم حسنى

تشوفـلى حل

لأن عقـلى خلاص

من التفـكير مل

حكايتك معانا عايشة

بئالها أيام وسنين

وياريت بقى يا عم

تقولنا عـتودينا على فين

أهو أنت ريسنا أهو

بئالك أكتر من عشرين سنة

وعمرنا ما شفـنا فى عهدك

ولا حتى ساعة هنا

بئالك أهو سنين

عمال تربى فى كرش

ياعم إرحمنا كفاية

مبقاش فى جيوبنا قرش

يا عم ياللا غور

وخد معاك ابنك الأمور

ده إحنا بلد تعبانة

ومش ناقصين عيـلتك

المعـفـنة الجعانة

بئالك كتير بتحشر

وعمر ما كرشك شبع

يا لا يا عم روح

مصيت كل دمـنا

ولـو عندك دم يالا غور

ومص بعـيد عـنـنا

إرحــلـــى يا خاســــــــــرة

2008-07-02T17:23:00.000+03:00

إرحلى يا خاسرة

وأذهـبى بأكاذيـبك الفاشلة

فأنتِ منذ أن ولدتى وأنتِ عاهرة

كلكن تحترفن الأغواء

وذلك لأن أمكم حواء

كلكن تريدن الشهوة

ولاتريدن منها راحة

حتى فى الغفوة

كلكن تريدن الفحل الأكبر

حتى لو كانت أنوثتكن أصغر

كلكن تريدن الرجولة الكاملة

مع أنه بالتأكيد أن الأنوثة

دائماً ناقصة

تريدن من الرجال كل شىء

مع أنكن لا شىء

أو بالأحرى أنتن شيئان

ماديان محسوسان

وهما الأرداف والنهدان

وبدونهما تسيران

فى سوق النخاسة عند الرجال

كل شىء كان

أنتن مثل البعير

حين يذهب المرء لكى يطلبها

من والدها البائع مربى البعير

تغلون أنفسكن

لمن يدخل لكم من الباب

وترخصوها لمن تشأون

على شرط أن يأتى من الشباك

فكيف تطيعن الله وأنتن

أتخذكن الشيطان له أستاذ

لكن دروس فى الأغواء

كتبت بحروف الأغراء

فى قلوب الرجال

تمثلن أمام الرجل

دور خضراء الشريفة

وبعد معرفتهن تكتشف

أنها ليست عفيفة

معظم أهل النار من النساء

فأرحمنا يارب من العذاب

فالله يمتحن قدرات الرجال

فأرسل لنا أجمل إبتلاء

إبتلاء ملىء بالخبايا

والمشتهيات و الشهوات

وما بعد ذلك

هو دخول ما هو فات

فى ما هو آت

من طبعكن التمنع وأنتن راغبات

والتمسكن حتى تتمكن

من أمور الرجال

واللئم هو أساس

بقائكن فى الحياة

الأنانية هى أهم طباعكن

ولكن لا مفر للرجال منكن

إلا من رحم ربى

وخُلقَ وعاش

وهو لا يعرف

كيف يدق

ذاك الباب

فرج حواء

ورقــــــــــة إمــتحـــــــان

2008-06-08T12:05:00.000+03:00

لو عايز تعرف البلد

دى متخلفة ليه

أقرا ورقة أى

إمتحان

حتعرف ليه

شباب مصر بخير

وسر البلد ينكشف ويـبان

لأن التعليم إللى ماسكه

متخلفـين

بس مش عشان

هو بالمجان

ولكن عشان

فى سجان كبير

وإبنه راجل أمـير

ناويـن على خير البلد

قصدى خرابها

ويخلو الشعب كله

يسافر على مالطة

وإحنا عارفين إنه

من زمان خربها

لكن الشعب دايماً

بيطاطى

لأنه مولود جبـان

وسلملى على مصر

بلد الأمن و الأمان

كلام فى وصف أم الدنيا مصر

2008-05-17T11:51:00.001+03:00

أنا مصرى
وطول عمرى عايش فى مصر
وطول ماأنا عايش
مش عارف يعنى إيه مصر
أكيد مصر مش هى أمى
ولا نيلها بيجرى فى دمى
ولا شمسها فى سمارى
ولا حتى لونى قمحى
ولا خيرها جوه فمى
وده علشان مفيش خير فى مصر
أقولك أنا مصر هى إيه
مصر يعنى بلد الزبالة البطالة الفساد
مصر يعنى بلد الواسطة الكوسة الرشوة
مصر يعنى جمهورية جيش شرطة
مصر يعنى ريس مش ديمقراطى بسلطة
مصر يعنى شعب بتفرج على روبى نانسى هيفا
مصر يعنى بلد الأهلى والزمالك
مصر يعنى بلد الفساد فيها غالب
مصر يعنى بلد العبط الهبل التفاهة
مصر يعنى بلد الحمارية التخلف الغباوة
مصر يعنى شعب بيتفرج على لبنان وهى سهرانة
مصر يعنى شعب برضه بيتفرج على لبنان بس وهى غلبانة
مصر يعنى بلد علاء وجمال مبارك
مصر يعنى بدل ما تقول عيد سعيد لأ تقول عيد مبارك
مصر يعنى ريس بيستشرق الأفق البعيد زى ما بيقول أسامة سرايا العبيط
مصر يعنى شعب غلبان من أكل الفول
مصر يعنى شعب بيغلى من ريس غول
مصر يعنى حزب وطنى بس أكيد مش ديمقراطى
مصر يعنى طالب يدخل شرطة بيدفع له كام ألف
مصر يعنى حكومة عبارة من غير قلب
مصر يعنى المنوفية عندهم مسك الجمهورية غية
مصر يعنى بلد حديد عز
مصر يعنى بلد العزة بس من غير عز
مصر يعنى بلد نحن نعيش فى زمن المزز
مصر يعنى بلد نحن نعيش فى عبارة مليانة جثث
مصر يعنى بلد كن عاطفى ولا تكن واقعى
مصر يعنى بلد بص لورا متبصش لقدام
مصر يعنى بلد إفتكروا إللى كان
مصر يعنى حضارة 7000 سنة بس خلصت من زمان
مصر يعنى بلد فيها كورة بس من غير اجوان
مصر يعنى بلد فيها زعيم واحد عادل بن امام
مصر يعنى بلد حاميها حراميها
مصر يعنى بلد شعبها غلبان فيها
مصر يعنى حرة جعانة تأكل بثدييها
مصر يعنى بنات مقضياها لحد متجيلها أى جوازة
مصر يعنى شباب نفسه تأخده جنازة
مصر يعنى بلد خيرها كتير بس على طول بيطير
مصر يعنى ترعة طويلة إسمها النيل
مصر يعنى أبو الهول خنشور قاعد بئاله كتير
مصر يعنى عجوز معمر عنده بواسير
مصر يعنى شعب طول اليوم بيتفرج على التلفزيون
مصر يعنى واحد مبيعرفش ونفسه يجيب فى مراته جون
مصر يعنى شعب بيقول حاحا
مصر يعنى رجالة وستات بيشربوا تفاحة
مصر يعنى شعب صبح صبح يا عم الحاج
مصر يعنى شعب بياكل بلح وعنب لأ
مصر يعنى بلد فيها ريس لازق على الكرسى بأمير
مصر يعنى حكومة دستورها قديم
مصر يعنى بلد فيها مدارس ثانوى أهلها قوم لوط
مصر يعنى بلد فيها ناس بتاكل الطوب
مصر يعنى بلد فيها كيلو البصل بخمسة جنيه
مصر يعنى بلد فيها الميكروجيب ب 500 جنيه
مصر يعنى بلد هات هات
مصر يعنى بلد معونة خد يا شحات
مصر يعنى بلد كل شارع فيها مبولة عمومية
مصر يعنى انفجارمجارى الصرف الصحى
مصر يعنى إنشاء مفاعل نووى بس سلمى
مصر يعنى بلد استيراد بس من غير تصدير
مصر يعنى بلد مليانة حمير
مصر يعنى بلد ديمقراطى يعنى ريس يقول والشعب يطاطى
مصر يعنى بلد الهجمة اللى مش مرتدة
مصر يعنى تآخد على قفاك وماتقولش لأه
مصر يعنى بلد فيها أنفلونزا الطيور
مصر يعنى بلد فيها شعب طيب زى العصفور
مصر يعنى بلد فيها واحد بيخنق كتكوت
مصر يعنى بلد فيها واحد بس اللى عنده التوت
مصر يعنى حرس الحدود بعد ما يتعشى يموت
مصر يعنى واحد بس اللى عنده التوتو
مصر يعنى شعب طيب كوتوموتو
مصر يعنى شعب جعان بيشترى بس
مصر يعنى شعب معندوش مقص
مصر يعنى بلد اللى اختشوا ماتوا
مصر يعنى بلد الشحاتين بيقولوا هاتوا
مصر يعنى بلد فيها براءة اختراع كل 100سنة
مصر يعنى بلد منتخبها يدخل كأس العالم كل 60 سنة
مصر يعنى بلد البطالة فيها فى كل مكان
مصر يعنى بلد فيها لكل مواطن رقاصة بالمجان
مصر يعنى بلد كسكس تعيش تاكل قراميش
مصر يعنى طول ما أنت مهيس حتفضل كويس
مصر يعنى أم الدنيا مع أنها آد الحء
وعلشان حالها يتعدل لازم أبوها يجى ويدق

غـيـر متـفـائــل

2008-04-01T12:34:00.000+02:00

وأنا سائر وحيداً

غير متفائل فى الدروب

وفى رأسى الأفكار تشتعل

كما تشتعل النيران فى الحروب

جلست أفكر

كيف أعيش فى هذا الكون

وهو ملىء بالحروف

بالكون حروف كثيرة ذات قوة مثيرة

كفيلة بأن تجعلك مثل الخروف

فتساق للموت ذليلاً مذلولاً

وينهمر منك الدم بلا خوف

فأنت غير مبالى بما يحدث

فأنت مستسلم عاجز جاهل بما يدور

هكذا علمونا الإستسلام

وكيف نتذوق مرارة الذل فى كأس الهوان

وجعلوا لنا شعار واحد وهو النسيان

دربونا كيف نكون عجزة

ونحن فى كامل الصحة والعنفوان

جعلونا نتقن الصمت

بأن نشرب من بئر الخيانة والإستسلام

لا أدرى ماذا أفعل لكى أواجه هذا المصير

والناس من حولى يعيشون كأننا فى عصر ركوب الحمير

فأنا أعيش فى زمن لا يوجد للإنسان به ضمير

ففى هذا الزمن كثير من العجب والمستحيل

تجد الأخت تغتصب عياناً

والأخوة يشاهدون هذا بل ويباركوه

تجد الأب يبيع أبنائه

والأم تشاهد هذا ولا تستنكر ولا تثور

الأخ ينكر أخوة أخاه

ولا ينقذه حتى لو تاه

بل قد يكون سبب هلاك الفرد

هو أخاه

الناس حولى ملهوون

يبيعون أنفسهم لكل ما هو مجنون

فى سوق النخاسة يعرضون

الشرف والكرامة للبيع

باعوا أمجاداً قديمة

لا تقدر بالكنوز

ويتم كل هذا لإرضاء

لحظة شهوة

لا تدوم لا تدوم

الفهم و التفاهم عند أبو المفهومية

2008-04-01T12:17:00.000+02:00

وأنا قاعد فى الحمام بعمل زى كل الناس وكنت بأحزق قلت أفكر بدل ما أنا تعبان وكان نفسى أفهم حاجة نفسى أفهم ليه الريس بيفهم كل حاجة وعمره فى يوم ما غلطت كأن بروح أمه نبى ومعصوم من الأخطاء وبعد تفكير عميق وده جالى بعد ما صبرت فى الحزق كتير عرفت ليه ريسنا معصوم من الأخطاء واكتشفت حاجة غريبة وأنا فى الحمام ولسه باعمل زى الناس إن ريسنا مش بيفهم بس لأ متفاهم كمان وبعد تركيز أعمق (أصل القـلوط كان فى طريقه لبر الأمان) إكتشفت إن الريس متفاهم بس لكن بيفهم دى ما عنديش عنها أى كلام يعنى هو بيتفهم موقف إسرائيل فى فلسطين و لبنان وبيتفهم أوى موقف أمريكا فى سوريا و العراق وبتفهم أوى أوى وبيعرف يفرج عن عزام عزام وبيتفهم الحالة السياسية فى البلد علشان كده غير أربعة وتلاتين مادة عشان يعدل حال البلد مش يورث الحكم لأبنه جمال .

نفـسى أولـع

2008-04-01T11:31:00.001+02:00

نفسى أولع فى كل بلد وفى كل ريس كلب , نفسى أولع فى كل شعب راضى و عايش زى
العبد , نفسى أولع فى كل خيار وفى كل كوسة , نفسى أولع فى شباب ماشى زى الحنطور ,
نفسى أولع فى كل واحدة نفسها تحب واحد أمور , نفسى أولع فى كل ولد قليط وعايش
الدور , نفسى أولع فى كل واحدة نست إنه فى يوم حيجى عليها الدور , نفسى أولع فى كل
زير وفى كل نسوانه اللى تحت السرير , نفسى أولع فى كل حزب ديمقراطى وفى كل حزب
مش ديمقراطى عشان سايبه قاعد يحكم و راضى , نفسى أولع فى كل واحدة مقضياها زى
الخيارة , نفسى أولع فى كل شاب معلق فى إيده حظاظة , نفسى أولع فى كل شارع
المجارى طافحة فيه , نفسى أولع فى كل طريق لجنة واقفة فيه , نفسى أولع فى أمريكا و
إسرائيل وقبل ما أولع فيهم , نفسى أولع فى بلاد العرب اللى مليانة متآمرين , نفسى أولع فى
نفسى بس مقدرش عشان الأنتحار ده كفر وحرام ومش حاعمل كده عشان أنا خايف من
المتكبر الجبار وكده أنا مضطر أعيش معاكم فى الدور لحد ما يجي عليا الدور , وحأولع فى
كل حاجة وأسيب كلمة واحدة , الدنيا ممر والآخرة مقر , وياريت تفهموا بئى , ده أنتو
العيشة معاكم بئت فقر .

يالا نروح

2008-04-01T11:13:00.000+02:00

يالا نروح

نشرب شاى

دى شرشر موجودة

أوعى تكون مش جاى

يالا نروح نشرب قهوة

دى التفاحة موجودة

أوعى تقول لأه

يالا نروح نشرب مانجه

وحناكل كمان تورتة

أوعى تتأخر دقيقة واحدة

يالا نروح نشرب حشيش

وكمان معانا مزز

أوعى متجيش

يالا نروح نشرب خمرة

ومعانا كمان مَزَّة

أوعى تقوللى مينفعش أبات برة

يالا بينا نموت

بدل ما إحنا عايشين زى الكتكوت

ده حتى الموت

أحسن لينا

بدل ما إحنا

عايشين

بنشيل ذنوب

حوار التعليم الجامعى فى مصر

2008-03-02T17:24:00.000+02:00

إيه رأيك لوذهبنا فى رحلة إلى أى جامعة مصرية ونشوف جو الكلام هناك عامل إزاى ؟؟ ياللا بينا نروح ونشوف مع بعض إيه إللى بيحصل ؟؟؟؟ أول ما حنخش أى كلية فى مصر حنلاقى فى زحمة جامدة كيك أولاد وبنات بالهبل كتير أوى أوى لكن طبعاً البنات أكتر من الأولاد بكتير ... طبعاً التعليم هناك شىء من الكماليات يعنى الطلبة بعض ما يخلصوا حوارات والحيكى والميكى والتوتو ممكن يفكروا يحضروا محاضرات .... يعنى مثلاً عندك دفعة تجارة فى أى سنة فى أى كلية عدد طلابها فى إنتظام بس حوالى ألفين طالب لكن إللى بيحضروا أقل من ألف بكتير وطبعاً فى مصلحة التعليم لأنهم لو حضروا مفيش أصلاً مكان ليهم فى المدرج ... المهم دلوقتى إن مفيش حد بيحضر يعنى اللى بيحضروا المحاضرات ميجبش تلت عدد الطلبة .. يبقى إحنا عرفنا إن المحاضرات محدش بيحضرها إمال الطلبة والطالبات الكتير الموجودين بيجوا الكلية ليه؟؟؟ أقولك أنا يا سيدى الجامعة دلوقتى بقت مكان مش للتعليم لأن بتذاكر أخر شهر ويمكن أخر أسبوع أو حتى قبل الأمتحان بساعة علشان كده مبيحضروش المحاضرات من أول السنة ولكن بيروحوا الكلية كل يوم ويقعدوا فيها من الساعة تمانية الصبح لحد تمانية بليل بس مبيحضروش محاضرات ولكن بيقعدوا يحاواروا البنات والأولاد مع بعض وده طبعاً ناتج بسبب الفراغ النفسى العاطفى وعدم وجود حياة شخصية عاطفية للطلبة وبسبب كده بقوا يزوغوا من المحاضرات وبذلك أصبح الطلبة والطالبات بيقضوا وقت طويل مع بعض فى حديقة الجامعة التعليمية الغراء .... يعنى من الأخر الجامعة اتقلبت نادى إجتماعى عشان الطلبة يقابلوا فيه بعض ... يعنى نظام الجامعة بقى نظام حوارات .... يعنى الولد بيروح يحور مع أكبر عدد من البنات والبنت تروح تحور مع أكبر عدد من الأولاد ويفضل مرة نظام الحوار شغال لحد مافى مرة الحوار يكبر وممكن يقلب بحب ... وطبعاً الحوارات أنواع وكل حوار وليه غرض يعنى مفيش حاجة من أجل الله والوطن ..يعنى لما نبص للبنت نلاقيها بتحور مع أولاد عشان كذا حاجة ومنها إن الولد ممكن يكون وسيم فالبنت بتحور معاه على أمل إنه يحبها وممكن يتجوزها وتكيد بيه أقاربها وأصحابها البنات وممكن تحور مع ولد دحيح يعنى شاطر كيك عشان تاخد منه محاضرات وملخصات وهكذا وممكن تحبه أو يفضلوا أصحاب وبس وممكن تحور مع ولد دمه خفيف أهو يكون مسلى ويطرى القعدة يعنى تعمله مروحة وطبعاً بعد سنين الكلية ما تخلص محدش بيعرف حد وخالتى وخالتك واتفرقت الخالات . أما الولد فبيحور مع كذا نوع من البنات برضه .. يعنى الولد ممكن يحور مع بنت دحيحة عشان ياخد منها ورق المحاضرات والملخصات والبنت بتديله من عنيها الورق على أمل أنهم بتلاقوا فكرياً و يجن ويحبها أو ممكن يحور مع بنت حلوة مزة يعنى أو بنت دمها خفيف عشان تطرى القعدة برضة وجايز يحب واحدة منهم وتقع الفاس فى الراس ... يعنى الكلية ماشية بنظام هزر وحور مع كله لحد ما ربنا يبعتلك اللى يخليك تبطل كله ..... المهم أنه بسبب وجود فراغ عاطفى لدى الشباب أصبحت الجامعة مش مكان للتعليم ولكن للحوارات

ودلوقتى عرفنا ليه جامعات مصر مش موجودة فى تصنيف أحسن مائة جامعة فى العالم زى إسرائيل

وسلامى فى النهاية إلى أم الدنيا مصر طول عمرى مش عارف إزاى أصدق الكلمة دى

سلام يا بلد الكلام

هى مصر هبلة ليه

2008-03-02T16:52:00.000+02:00

ليه التخلف

موجود فى كل مكان

كأن التخلف

بيتوزع على الشعب بالمجان

وكل ما واحد ياخد منه يقول كمان

لأن ده مبدأ عندنا من زمان

ما هو أبو بلاش كتر منه

دى بلد ملهاش لازمة وشعبها

عامل أزمة

ولو تغور مصر راح ترتاح كل البلاد

شعبها أهبل وعبيط

حتى فى الهبل مش فالحين

وحتى فى الفشل فاشلين

نفسى أعرف بيفهموا فى إيه

وإللى يغيظك تلاقيهم

فاكرين نفسهم

دايماً فاهمين

وبيفهموا وهى طايرة وحدقين

ولو هما كده صح

طب بلدهم

طالعة هبلة

لمين

لا أستطيع

2008-03-02T16:37:00.000+02:00

لا أستطيع

أنا يا حبيبتى لا أستطيع

لا أستطيع

أن أقول لكى كلمة أحبك

قلبى يريد أن يقول

لكن عقلى لا يريد

لأن بعد حبى لكى

لن يكون هناك جديد

فماذا نفعل حين نحب

ستقولين لى و أقول لكى

ولكن بعد ذلك لا جديد

سوف أمسك يداكى وتسمحين

وسوف أقبلكِ وتقبلين

ولكن بعد ذلك لا جديد

ففى الحب يوجد شىء عجيب

فكيف تكون نظرة إعجاب

أو كلمة إطراء

سبب لحبٍ كبير

إنى لفى عجب من المحبين

أريد أن أعرف كيف يحبون

أهى نظرة تكفى للحب

أم هو الكلام المعسول

فالمرأة تريد كلاماً يعزف على أوتار القلب

والرجل يريد شيئاً جميلاً يكون له أنيس العمر

فالمرأة حبها معنوى

أما الرجل فحبه طبعاً مادى محسوس

ولأنى يا حبيبتى فارس نبيل

لا أريدك أن تحبينى ونفسك تظلمين

فالرجل لا يهوى ولكنه فى الغرام

بارع التمثيل

و إذا فشل الحب

فالمرأة تخسر الكثير والكثير

والرجل لا يبالى إذا فشل حبه

لأن الحب عنده دائماً

بيطلع يا عزيزتى

فى الغسيل

نفسى أقدر

2008-02-01T16:44:00.000+02:00

نفسى أقدر

أكسر كل سور

نفسى أقدر

أطير زى العصفور

نفسى أقدر

أكون أنا مش حد تانى

نفسى أقدر

أعيش لنفسى مش عشان حد تانى

نفسى أقدر

أعيش إنسان مش برغوت

نفسى أقدر

أقول لاأه بدل ماأنا بأقول أيوه على طول

نفسى أقدر

أحدد مصيرى

نفسى أقدر

أغير حياتى زى غيرى

نفسى أقدر

أعمل إللى نفسى مش إللى فى نفس حد تانى

نفسى أقدر

أكون أنا بإرادتى مش بإرادة حد تانى

نفسى أقدر

أكون لوحدى بس ماتقولش عليا أنانى

نفسى أقدر

أغوص فى أعماقى مش فى أعماق حد تانى

نفسى أقدر

أنفذ اللى أنا عايزه مش أنفذ أوامر حد تانى

نفسى أقدر

أعيش حياتى

نفسى أقدر

أنى أكون ذاتى

نفسى أقدر

أنهى حياتى

نفسى أقدر

أموت ومرجعش للدنيا دى تانى

العام الجديد

2008-01-04T15:51:00.000+02:00

وأنا واقف من بعيد

أشاهد الحلم الضائع

يطاردنى اليقين

وأقول

لست واثق

أترى الأيام

ظلت كما هى

أم ألتهمتها

كلاب السنين

فالسنين تمر مثل

صوت الطنين

ولا يشعر بها

إلا الحزين

فالحزن مذهبنا

به نحيى و نموت

فالظلم داءنا

والألم دواءنا

وتلك هى حياتنا

نتناول فيها الحزن

فى كل الوجبات

إفطارنا حزن

غدائنا حزن

عشاءنا حزن

فالحزن ديننا الجديد

ونحن له

عبيد

فأهلا بكل عام جديد

مليىء بالأحزان

بالتأكيد

فيا مرحبا بالحزن